ထီဖွင့်ရက်မှာ ထီသည်ဖုန်းဆက်တာကိုစောင့်နေကြသူများနှင့် ထီပေါက်စဉ်ကိုယ်တိုင် မတိုက်ကြသူများ ဆုံးရှုံးနစ်နာမှုမရှိရလေအောင်………

မြောက်ဥက္ကလာပမြို့နယ်နေ အသက်(၅၀)အရွယ်ရှိ ဒေါ်အေးဝင်းအဖို့ လွန်ခဲ့သည့် နှစ်(၃၀)ခန့်ကစ၍ လစဉ်အောင်ဘာလေထီကို ကြုံသည့်နေရာတိုင်း၌ဝယ်ယူကံစမ်းလေ့ ရှိသည်။

ထီထိုးပြီး၍ လဆန်းတစ် ရက်ရောက်တိုင်း ထီဆိုင်မှ ထီပေါက်ကြောင်းလာရောက်အ ကြောင်းကြားမည့်အချိန်ကို စောင့်မျှော်ရသည်မှာ ဒေါ်အေးဝင်းအတွက် ပုံမှန်အလုပ်တစ်ခုလို ဖြစ် နေသည်။

ထီထိုးခဲ့သည့် သက်တမ်း ဆယ်စုနှစ်သုံးစု ကြာပြီဖြစ်သော် လည်း ကိုယ်တိုင်တစ်ကြိမ်မျှ ထီ မတိုက်ခဲ့ဖူးပေ။‘‘ထီတိုက်လည်း မတိုက် တတ်ဘူး’’ဟု ဒေါ်အေးဝင်းက ဖွင့်ဟသည်။ထို့ကြောင့် ထီပေါက်၊ မ ပေါက်မှာ ထီဆိုင်က အကြောင်း ကြားမှုအပေါ်တွင် မူတည်နေ သည်။

သို့သော် ယခုအချိန်ထိ ထီဆိုင်ထံမှ ဆက်သွယ်ခြင်းမခံရပေ။ဒေါ်အေးဝင်းကဲ့သို့ပင် တာမွေမြို့နယ်နေ ကိုအောင်ထက်လည်း သူဌေးလောင်း မျှော်လင့်ချက်ဖြင့် လစဉ်ထီကံစမ်းလေ့ရှိပြီး ထီပေါက်စဉ်ဖြင့် ကိုယ်တိုင်ထီ တိုက်ဖူးခြင်း မရှိပေ။

‘‘ထီဆိုင်ကနေ ဖုန်းနံပါတ် တောင်းထားတော့ သူတို့ဖုန်း ဆက်ရင် ပေါက်တယ်၊မဆက် ရင် မပေါက်ဘူးလို့ သတ်မှတ် လိုက်တာပဲ’’ဟု ကိုအောင်ထက် က ပြောသည်။

ထိုသို့ ကိုယ်တိုင်ထီတိုက် ခြင်းမရှိဘဲ ထီဆိုင်၏ အကြောင်း ကြားမှုကိုသာ စောင့်မျှော်လေ့ရှိ သည့် ထီကံစမ်းသူအရေအတွက် မည်မျှရှိသည်ကိုကိန်းဂဏန်း အတိအကျပြုစုထားခြင်း မရှိ သော်လည်း ထီပေါက်မဲဆုငွေ လာရောက်ထုတ်ယူခြင်း မရှိ၍…..

နိုင်ငံ့ဘဏ္ဍာအဖြစ် သိမ်းယူနေရ သည့် ထီလက်မှတ်အများစုသည် အဆိုပါလူများ၏ထီလက်မှတ် များ ဖြစ်လေ့ရှိသည်ဟု အောင် ဘာလေသိန်းဆုဌာနခွဲ ညွှန်ကြား ရေးမှူး ဦးကျော်သန့်လွင်က ပြော သည်။

‘‘ဆိုင်က အကြောင်းကြားမှာ ပဲကွာဆိုပြီး ထိုင်စောင့်နေတာ။ ဆိုင်ကလည်း ထီဆုတွေကများ နေတော့ အကြောင်းမကြားဖြစ် ဘူး။အဲဒီတော့ သူ့ကိုယ်သူ ထီ မပေါက်ဘူးထင်ပြီး လာမထုတ် ဖြစ်တော့ဘူး’’ဟု ၎င်းက ပြော သည်။

ထို့ကြောင့် အောင်ဘာလေ သိန်းဆုဌာနသည် လစဉ်ဆုငွေ လာရောက်ထုတ်ယူခြင်းမရှိ၍ နိုင် ငံတော်ဘဏ္ဍာအဖြစ် သိမ်းယူနေရမှုများလစဉ်ရှိနေ၍ ထီကံစမ်းသူ များအား ပုံမှန်ထီတိုက်ရန် မကြာ ခဏ နှိုးဆော်ထားသည်။

အောင်ဘာလေသိန်းဆုဌာန သည် လစဉ်ရောင်းချရသည့် ထီ လက်မှတ်တန်ဖိုး၏ ၄၀ ရာခိုင်နှုန်း ကို နိုင်ငံတော်အခွန်ဘဏ္ဍာအဖြစ် ရယူ၍ ၆၀ ရာခိုင်နှုန်းကို ဆုငွေအ ဖြစ် ခွဲဝေပေးနေခြင်းဖြစ်သည်။

ငွေတန်ဖိုးအားဖြင့် လစဉ် ရောင်းချရသည့်ထီလက်မှတ် တန်ဖိုး ကျပ်သန်း ၁၈,၀၀၀ ခန့်ရှိ ပြီး ကျပ်သန်း ၇,၀၀၀ ကျော်ကို နိုင်ငံတော်အခွန်ငွေအဖြစ် ရယူ ပြီးကျန်ငွေကို ဆုငွေအဖြစ် ခွဲဝေ ပေးခြင်းဖြစ်သည်။

ဆုမဲလက်မှတ်များကို ထီဖွင့်လှစ်ပြီး တစ်နှစ်အတွင်း ထုတ် ယူခြင်းမရှိပါက နိုင်ငံတော် ဘဏ္ဍာအဖြစ် သိမ်းယူသဖြင့် ထိုမှ ရရှိသည့် ဝင်ငွေသည်လည်း လစဉ် အစိုးရအတွက် မနည်းပေ။

ပြည်တွင်းအခွန်များဦးစီးဌာနက ထုတ်ပြန်ထားသည့် စာရင်းများအရ ကျပ် ၅၀၀ တန် ထီဖွင့်လှစ်သည့် (၁)ကြိမ်မြောက်မှ (၆)ကြိမ်မြောက်အထ ခြောက်လအတွင်း လာရောက်ထုတ်ယူခြင်း မရှိ၍ နိုင်ငံတော်ဘဏ္ဍာအဖြစ် သိမ်းယူခဲ့ရသည့် ဆုငွေပမာဏ သည် ကျပ်သန်း ၆,၀၀၀ ကျော်ရှိခဲ့သည်။

ထို့ကြောင့် တစ်လလျှင် ပျမ်းမျှ ကျပ်သန်း ၁,၀၀၀ ရှိနေ ခြင်းဖြစ်သည်။ထီပေါက်မဲလက်မှတ်များ ကို သတ်မှတ်ကာလအတွင်း ထုတ်ယူရန်အောင်ဘာလေသိန်း ဆုဌာနက မကြာခဏသတိပေး ကြေညာလေ့ရှိသော်လည်း ထီ ပေါက်မဲဆုငွေ လာရောက်ထုတ် ယူခြင်းမရှိသည့် ဖြစ်ရပ်များက လစဉ်ရှိနေဆဲဖြစ်သည်။

ထိုသို့ လာရောက်ထုတ်ယူ ခြင်းမရှိသည့် ဆုမဲလက်မှတ်သည် လစဉ်စောင်ရေ ၁၀,၀၀၀ မှ ၁၅,၀၀၀ ခန့်အထိရှိကြောင်း ပြည် တွင်းအခွန်များဦးစီးဌာန ထုတ် ပြန်ချက်၌ ဖော်ပြထားသည်။

လစဉ်ဆုငွေလာရောက် ထုတ်ယူခြင်းမရှိသည့် ထီလက် မှတ်စောင်ရေ ၁၀,၀၀၀ ကျော် ရှိသော်လည်း (၁)ကြိမ်မြောက်မှ (၆)ကြိမ်မြောက်အထိ ယင်း လက်မှတ်အရေအတွက်သည် အ နည်းငယ်စီ လျော့ကျခဲ့သည်ကို လည်း တွေ့ရသည်။

(၁)ကြိမ်မြောက်၌ ဆုငွေ ထုတ်ယူခြင်းမရှိသည့် ထီလက် မှတ်စောင်ရေသည် ၁၅,၀၀၀ ကျော်၊ (၂)ကြိမ်မြောက်၌ စောင် ရေ ၁၁,၀၀၀ ကျော်၊ (၃)ကြိမ် မြောက်၌ စောင်ရေ ၁၂,၀၀၀ ကျော်၊ (၄)ကြိမ်မြောက်၌ စောင် ရေ ၁၁,၀၀၀ ကျော်၊ (၅)ကြိမ် မြောက်၌ စောင်ရေ ၁၀,၀၀၀ ကျော်နှင့်(၆)ကြိမ်မြောက်၌ လည်း စောင်ရေ ၁၀,၀၀၀ ကျော်ရှိခဲ့သည်။

ဆုငွေထုတ်ယူခြင်းမရှိသည့် ထီလက်မှတ်အများစုသည် ကျပ် ၅၀,၀၀၀ နှင့် ကျပ် ၁၀၀,၀၀၀ ဆု မဲလက်မှတ်များဖြစ်သည်။ပြည်တွင်းအခွန်များဦးစီးဌာန၏ ထုတ်ပြန်ချက်၌ လစဉ်ကျပ် ၅၀,၀၀၀ ဆုငွေလာရောက်ထုတ်ယူခြင်းမရှိသည့် ထီလက်မှတ်စောင်ရေ ၉,၀၀၀ ခန့်ရှိပြီး ကျပ်တစ်သိန်းဆုသည် လစဉ်စောင်ရေ ၁,၀၀၀ မှ ၅,၀၀၀ ခန့်အထိရှိကြောင်း ဖော်ပြထားသည်။

‘‘ထီဆိုင်တွေက ထီဆုကြီး လောက်ကိုတော့ အလေးထားပြီး ဆက်သွယ်ကြလေ့ရှိတယ်။ဆုအ သေးကျတော့ ဆက်တော့ဆက် သွယ်တယ်။ ဖုန်းကဆက်သွယ်မှု ပြင်ပဖြစ်တာတို့၊ဖုန်းနံပါတ်အ မှတ်မှားတာမျိုးဆိုရင် ဆက်သွယ် လို့ မရနိုင်ဘူး’’ဟု သားကောင်း ရတနာထီဆိုင်ပိုင်ရှင် ဦးစောမြင့် သိန်းက ပြောသည်။

ထီအရောင်းကိုယ်စားလှယ် တစ်ဦးက ထီပေါက်မဲလက်မှတ် ကို အခက်အခဲများရှိ၍ ဆက်သွယ်နိုင်ခြင်းမရှိဘဲ လွတ်သွားခြင်းများ မကြာခဏ ဖြစ်ပေါ်လေ့ ရှိသည်ဟုဆိုသည်။

ထီပေါက်ကြောင်း ဆိုင်မှ လာအကြောင်းကြားမည်ဟု ထင် မှတ်ကာ ကိုယ်တိုင်တိုက်မစစ်ဘဲ ထီဖွင့်ပြီး ရက်အနည်းငယ်ကြာပြီး နောက်ထီတိုက်ကြည့်ရာမှ ကျပ် ၅၀,၀၀၀ ဆု ငါးဆုပေါက်နေသည် ကို သိခဲ့ရကြောင်း ကိုယ်တိုင်ကြုံ ခဲ့ရသည့် ကုမ္ပဏီဝန်ထမ်း မဥမ္မာ ကပြောသည်။

‘‘အဲဒီထီဆိုင်ကို နောက်တစ် ခေါက်ထီသွားထိုးတော့ ထီတိုက် ပေးလားမေးတော့ တိုက်ပေး တယ်တဲ့ ညီမလည်း ပြန်မေးလိုက် တယ်။အဲဒါဆိုရင် အရင်တစ် ခေါက်က ဒီဆိုင်မှာ ၅၀,၀၀၀ ဆု ငါးဆုပေါက်တာ ဘာလို့အ ကြောင်း မကြားတာလဲမေးတော့ ပြန်မဖြေနိုင်ဘူး’’ဟု ၎င်းကပြော သည်။

ထိုသို့ ထီလက်မှတ်ကို တိုက်စစ်နိုင်ရန် ထီဖွင့်ပြီးနောက်တစ် ရက်၌ နိုင်ငံပိုင်သတင်းစာများတွင် ထီပေါက်စဉ်ကို ထည့်သွင်းပေး ခြင်း၊အွန်လိုင်းစနစ်ဖြင့် ထီတိုက် စစ်ဆေးနိုင်ရန် စီစဉ်ပေးခြင်း၊ မြို့ နယ်အခွန်ဦးစီးဌာနရုံးများ၌ ထီ ပေါက်စဉ်ကိုအခမဲ့ထုတ်ယူနိုင် ရန် စီစဉ်ပေးထားကြောင်း ပြည် တွင်းအခွန်များဦးစီးဌာန ညွှန် ကြားရေးမှူး ဦးထွန်းထွန်းအောင် ကပြောသည်။

‘‘အရင်ခေတ်ကာလတွေ ထက်စာရင် ထီတိုက်ကြည့်လို့ရ နိုင်မယ့် အခွင့်အလမ်းတွေပိုများ နေပြီ။တိုက်ရလွယ်အောင်လို့ လည်း ထီပေါက်မဲဂဏန်းတွေကို ကြီးစဉ်ငယ်လိုက် စီပေးထား တယ်။ကိုယ်တိုင် တကယ်တိုက် ကြည့်ရင် မခက်ပါဘူး’’ဟု ၎င်းက မှတ်ချက်ပြုသည်။

ထီပေါက်မဲ ဆုငွေလာ ရောက်ထုတ်ယူခြင်းမရှိသည့်ဖြစ် စဉ်အများစုသည် ကိုယ်တိုင်ထီ တိုက်စစ်ခြင်း မရှိခြင်းကြောင့်အပြင်ထီလက်မှတ်ပျောက်ဆုံးသော ကြောင့်လည်းရှိကြောင်း ထီ ရောင်းဝယ်ရေးလုပ်ငန်းလုပ်ကိုင် နေသူများက ဆိုသည်။

ထို့အပြင် ထီပေါက်စဉ်ဖြင့် ကိုယ်တိုင် ထီလက်မှတ်တိုက်မစစ်ခြင်းကြောင့် ဆုငွေဆုံးရှုံးမှု သာမက ထီပေါက်မဲ၊ ထီလက် မှတ်ကို လိမ်လည်ယူဆောင်ခံရ သည့်ဖြစ်စဉ်များစွာလည်းမကြာ ခဏဖြစ်ပေါ်လေ့ရှိသည်။

စက်တင်ဘာ ၁ ရက်က ဖွင့် လှစ်သည့် အောင်ဘာလေထီမှ ကျပ်သိန်း ၃,၀၀၀ ဆုလက်မှတ် ကို ထီတိုက်ပေးမည်ဆိုကာလိမ် လည် ယူဆောင်ခဲ့သည့်ဖြစ်စဉ် မကွေးတိုင်းတွင် လောလော လတ်လတ်ဖြစ်ပေါ်ခဲ့သည်။

အမှန်တကယ် ထီထိုးထား သူအမျိုးသမီးက ၎င်းထီလက်မှတ် သည် ကျပ်သိန်း ၃,၀၀၀ ဆုရရှိ ထားသည်ကို ထီဖွင့်ပြီး ခြောက် ရက်အကြာအထိ မသိရှိခဲ့ဘဲသူစိမ်းတစ်ဦးက ထီတိုက်ပေးမည် ဆိုကာ ရောက်ရှိလာပြီး ပေါက်မဲ ထီလက်မှတ်ကို လိမ်လည်ယူ ဆောင်ခဲ့ခြင်းဖြစ်သည်။

ထို့အပြင် ၂၀၁၄ ခန့်က ကျပ် ၂၀၀ တန် ထီ၏ အမြင့်ဆုံး ကျပ်သိန်း ၁,၅၀၀ ဆု ထီလက်မှတ်ကို ကိုယ်တိုင်တိုက်စစ်ခဲ့ခြင်း မရှိ၍ထီပေါက်သည်ကိုမသိဘဲ ကျေးရွာများတွင် ထီလှည့်လည်ရောင်း သူများက အဆိုပါထီလက်မှတ် ကို လိမ်လည်ယူခဲ့သည့် ဖြစ်ရပ်လည်းရှိခဲ့ဖူးသည်။

‘‘ရွာတွေမှာက ထီထိုးပြီးရင် အလွယ်ပဲ နေလိုက်ကြတယ်။ ပေါက်ရင် လာအကြောင်းကြား မယ်ပေါ့။ထီဖွင့်ပြီး ရက်တော် တော်ကြာတော့ ထီလှည့်ရောင်း သူတွေ အိမ်ရောက်လာပြီး ထီ တိုက်ပေးမယ်ပြောတယ်။

ခဏ နေတော့ သူတို့ပြန်သွားကြတယ်။ မသင်္ကာလို့ ထီလက်မှတ် ပြန်ကြည့်တော့ လက်မှတ်တစ်စောင် ပျောက်နေတယ်။အဲဒါနဲ့ ထီ ပေါက်စဉ်ရှာပြီး တိုက်ကြည့်တဲ့အခါ ကျပ် ၅၀,၀၀၀ ဆုပေါက်တဲ့ လက်မှတ်ဖြစ်နေတယ်’’ ဟု ကိုယ် တိုင်ထီလက်မှတ်လိမ်ယူခံရဖူးသူ ပဲခူးတိုင်း ကဝမြို့နယ် ငွေတောင် ရွာနေ ဒေါ်အုန်းမြင့်က ပြောကြားသည်။

ထို့ကြောင့် ထီလက်မှတ်ကို ကိုယ်တိုင်တိုက်စစ်ရန် ထီကံစမ်း သူအားလုံးတာဝန်ရှိပြီး ထီပေါက် စဉ်များကို ကျေးရွာဒေသများအ ထိအလွယ်တကူရရှိအောင်သက် ဆိုင်ရာက စီစဉ်ပေးသင့်ကြောင်း ထီလုပ်ငန်းရှင်အချို့က အကြံပြု သည်။တွန်းလှည်းဖြင့် ထီရောင်းချ သူ မြောက်ဥက္ကလာပမြို့နယ်မှကိုချစ်ဆွေက ထီရောင်းသူများ၏ အခက်အခဲကို အောက်ပါအတိုင်း ပြောသည်။

‘‘တိုက်တာတော့ အ တတ်နိုင်ဆုံးတိုက်ပေးတယ်။ထီ ထိုးတဲ့သူတချို့က ဆုပေါက်ပြီဆို ရင် ပေးထားတဲ့ဖုန်းက အမှတ်မှား တာလား၊ ဘာလားမသိဘူး။ဆက်မရတာတွေရှိတယ်။ အစ်ကိုဆို ဆုသေးပဲဖြစ်ဖြစ်ပါ ရသ လောက်တော့ အကြောင်းကြားပေးတယ်။

ဆိုင်အသေထိုင်ရောင်း တဲ့သူတွေဆိုရင်တော့ ဆက်သွယ် မရလည်း ဆိုင်ရှေ့မှာ ဘုတ်နဲ့ ကြေညာပေးကြတယ်။ တွန်း လှည်းသမား၊ကားသမားတွေကျ အဲဒီလို ဘယ်လိုလုပ်လို့ရမလဲ။ ဒီထီထွက်ပြီး နောက်လအတွက် ထပ်ရောင်းဖို့ လုပ်ရသေးတာ လေ။

တစ်ခါ၊ နှစ်ခါ ဆက်မရရင် သူက ကိုယ့်ကို လက်ဖက်ရည်ဖိုး မပေးချင်လို့နေမှာဆိုပြီး ထား လိုက်တာပဲ’’ဟု ပြောသည်။လက်ရှိတွင် ကိုယ်တိုင်ထီ ပေါက်စဉ်ဖြင့် ထီတိုက်စစ်ခြင်းမရှိ၍ လစဉ်ဆုငွေများသည် ထီကံစမ်းသူများမခံစားရဘဲ နိုင်ငံတော်ဘဏ္ဍာအတွင်း ဝင်ရောက်နေပြီးမသမာသူများအတွက် ယင်းအခြေအနေကို အသုံးချ ကောင်းနေဆဲဖြစ်သည်။

‘‘ကိုယ့်အားကိုယ်ကိုးပြီး ကိုယ်တိုင်ထီတိုက်တာ အကောင်း ဆုံးပဲ။ စိတ်အချရဆုံးပဲ’’ဟုဦး စောမြင့်သိန်းက အကြံပြုသည်။သို့သော် ဒေါ်အေးဝင်းကမူ ကိုယ်တိုင်ထီတိုက်ရန် စိတ်ဝင်စား မှု နည်းပါးနေဆဲဖြစ်ပြီးဆိုင်က ဆက်သွယ်လာမည့်အချိန်ကိုသာ မျှော်လင့်နေဦးမည်ဟုဆိုသည်။

‘‘ကိုယ်နဲ့ထိုက်ရင် ကိုယ်ရ မှာပေါ့’’။ ။ 7Day News Journal